राष्ट्र बैंकको सञ्चालक समिति महिला सहित सात जनाकाे हुने
वि.सं.२०८३ साउन १९ मंगलवार
काठमाडौं । नेपाल राष्ट्र बैंक सञ्चालक समिति महिला सहित सात जनाकाे हुने भएकाे छ । प्रतिनिधिसभा अन्तर्गतको अर्थ समितिमा मंगलबार भएकाे छलफलमा नेपाल राष्ट्र बैंकको सञ्चालक समिति एकजना महिलासहित सात सदस्यीय बनाउन सहमति जुटेकाे हाे ।
समितिमा नेपाल राष्ट्र बैंक ऐन, २०५८ लाई संशोधन गर्न बनेको विधेयकमाथिको दफावार छलफलका क्रममा नौ सदस्यीय सञ्चालक समिति प्रस्ताव गरिएकोमा पूर्ववत रूपमा नै सात सदस्यीय समिति बनाउन सहमति जुटेको हो ।
प्रकाशित समय : १३:१९ बजे
