काठमाडौं । एशियन लाइफ इन्स्योरेन्स कम्पनीको चालु आर्थिक वर्षको तेस्रो त्रैमासमा खुद नाफा ३९.३१ प्रतिशतले बढेको छ । कम्पनीले आज सार्वजनिक गरेको चालु आर्थिक वर्षको तेस्रो त्रैमासको वित्तिय विवरण अनुसार कम्पनीले समिक्षा अवधिमा १८ करोड २१ लाख ११ हजार रुपैयाँ आर्जन गरेको हो । गत आर्थिक बर्षको सोहि अवधिमा कम्पनीले खुद नाफा १३ करोड ७ लाख २२ हजार रुपैयाँ आर्जन गरेको थियो ।

यसरी नै कम्पनीले समिक्षा अवधिमा कम्पनीको खुद बीमा शुल्क ४८.१० प्रतिशतले बढेको छ । चैत सम्म ४ अर्ब ५९ करोड ९ लाख ७० हजार रुपैयाँ खुद बिमा शुल्क आर्जन गरेको यो कम्पनीको गत आर्थिक वर्षको समिक्षा अवधिमा ३ अर्ब ९ करोड ९८ लाख ३८ हजार रुपैयाँ आर्जन गरेको थियो ।

हालसम्म कम्पनीको कूल बीमा शुल्क २६.२८ प्रतिशत बढेर २९ अर्ब ४४ करोड ६४ लाख ७८ हजार रुपैयाँ आर्जन गरेको छ । यस अवधिमा कम्पनीको खुद दाबी भुक्तानी ७२.१३ प्रतिशतले बढेर ७२ करोड २४ लाख ६१ हजार रुपैयाँ गरेको छ । गत आर्थिक बर्षको सोहि अवधिमा कम्पनीले खुद दाबी भुक्तानी ४१ करोड ९७ लाख १९ हजार रुपैयाँ गरेको थियो ।
यस अवधिमा कम्पनी विभिन्न क्षेत्रमा कर्जा लगानी २९ प्रतिशतले बढेर १ अर्ब ४२ करोड ८२ लाख ३७ हजार रुपैयाँ आर्जन गरेको छ । गत वर्षको सोहि अवधिमा विभिन्न क्षेत्रमा कर्जा लगानी १ अर्ब १० करोड ७१ लाख ५५ हजार रुपैयाँ आर्जन गरेको थियो ।
त्यस्तै, यस अवधिमा कम्पनीको जीवन बीमा कोष २६.१७ प्रतिशतले बढेर २५ अर्ब ४२ करोड ८ लाख २७ हजार रुपैयाँ रहेको छ । गत आर्थिक बर्षको सोहि अवधिमा कम्पनीको जीवन बीमा कोष २० अर्ब १४ करोड ८० लाख ३२ हजार रुपैयाँ रहेको थियो ।
यस अवधिमा कम्पनीको चुक्ता पूँजी २ अर्ब १ करोड ७ लाख ६० हजार रुपैयाँ रहेको छ । कम्पनीको जगेडा कोष ४७.२८ प्रतिशतले बढेर ७३ करोड ४ लाख २१ हजार रुपैयाँ रहेको छ । गत आर्थिक बर्षको सोहि अवधिमा कम्पनीको जगेडा कोष ४९ करोड ५९ लाख २४ हजार रुपैयाँ रहेको थियो ।

२०७८ वैशाख ३० गते प्रकाशित