कार्तिक मसान्तसम्ममा जीवन बीमा कम्पनीहरूको व्यापार ५३ अर्ब ३९ करोड माथि
वि.सं.२०८१ मंसिर १६ आइतवार
काठमाडौं । जीवन बीमा कम्पनीहरुले कार्तिक मसान्तसम्ममा ५३ अर्ब ३९ करोड ३२ लाख रुपैयाँ बराबरको बीमाशुल्क आर्जन गरेका छन् ।
चालु आर्थिक वर्षको साउनदेखि कार्तिक महिनासम्मा जीवन बीमा कम्पनीहरूले १ करोड ३८ लाख ४ हजार ६४७ बीमा पोलिसी जारी गरेर यस्तो व्यापार गरेको हो ।
कार्तिक महिनामा मात्रै बिमकहरूले १३ अर्ब ४७ करोड माथि कुल बीमा कुल्क आर्जन गरेका छन् । बिमकहरूले वैदेशिक रोजगार बीमा शुल्क १ अर्ब १ करोड नविकरण बीमा शुल्क ४२ अर्ब ६८ करोड ८८ लाख र प्रथम बीमाशुल्क वैदेशिक रोजगार बाहेक ९ अर्ब ९५ करोड ३८ लाख रुपैयाँ प्रिमियम संकलन गरेको नेपाल बीमा प्राधिकरणले सार्वजनिक गरेको तथ्यांकमा छ ।
चालु आवाको चार महिनामा सबैभन्दा धेरै बीमाशुल्क अर्जान गर्ने कम्पनी नेपाल लाइफ नै बनेको छ। कम्पनीले यसअवधिमा १५ अब ४० करोडको कारोबार गर्न सफल भएको छ।
त्यसैगरी नेशनल लाइफको ६ अर्ब ४३ करोड रुपैयाँ बराबरको व्यापार भएको छ भने एलआईसी नेपालको ६ अर्ब ५ करोडको कारोबार भएको छ । सोही अवधिमा हिमालयन लाइफको ५ अर्ब ५८ करोडको बीमाशुल्क आर्जन गरेको छ।
प्रकाशित समय : १७:११ बजे
