बैंकहरुले राष्ट्र बैंकमा किन राख्न चाहेनन् पैसा,९० अर्ब माग्दा ८१ अर्बका लागि दिए आवेदन
वि.सं.२०८२ असार ५ बिहीवार
काठमाडौं । नेपाल राष्ट्र बैंकले बैंकिङ्ग प्रणालीमा रहेको अधिक तरलता व्यवस्थापनका लागि भन्दै असार ४ गते बैंकिङ्ग प्रणालीबाट ९० अर्ब तान्न लागेको थियो । तर बैंकहरुले भने राष्ट्र बैंकले माग गरेको भन्दा ९ अर्ब कम पैसा राख्नका लागि बोलकबोल गरेका हुन् ।
हिजो १९ वटा बैंक तथा वित्तीय संस्थाले ३० वटा बोलकबोलबाट ८१ अर्ब १५ करोड रकम बराबरको लागी आवेदन दिएका हुन्।जबकि नेपाल राष्ट्र बैंकले ९० अर्बका लागि बोलबकबोल गर्न आह्वान गरेको थियो ।
बैंकहरुले राष्ट्र बैंकले माग गरेकोभन्दा कम रकम मात्रै राख्न आवेदन दिएपछि केन्द्रीय बैंकले ८१ अर्ब १५ करोडको मात्रै बोलकबोल गरेको छ । जसमा बैंक तथा वित्तीय संस्थाले अधिकतम ३ प्रतिशत र न्युनतम २।९५ प्रतिशत ब्याजदर पाउने केन्द्रीय बैंकले जनाएको छ ।यसअघि भने राष्ट्र बैंकले ४० अर्ब माग गर्दा बैंकहरुले भने ६० अर्ब राख्न चाहेका थिए ।
प्रकाशित समय : २०:१४ बजे
