सिटिजन्स बैंकको ग्राहकलाई हिल्टन होटलमा १० प्रतिशत छुट
वि.सं.२०८२ जेठ १४ बुधवार
काठमाडौं । सिटिजन्स बैंक इन्टरनेसनल लिमिटेडका ग्राहकहरूले हिल्टन काठमाडौं होटलमा छुट पाउने भएका छन्। सम्झौताअनुसार होटलले सिटिजन्स बैंकका कार्डबाहक र मोबाइल बैंकिङ्ग प्रयोगकर्ताहरूलाई आफ्नो सेवा तथा सुविधामा १० प्रतिशत छुट दिनेछ।
बैंकले यस्तो सहकार्यबाट बैंकका ग्राहकहरू लाभान्वित हुने र नगद कारोबारबाट डिजिटल कारोबारतर्फ उत्प्रेरित हुने जानकारी दिएको छ।
बैंकले डिजिटल बैंकिङ्ग भुक्तानीलाई बढाउन समय समयमा यस्तै ग्राहकमैत्री सुविधाहरू सञ्चालनमा ल्याउँदै आएको र आगामी दिनहरूमा पनि ल्याउने बताएको छ।
प्रकाशित समय : १५:१० बजे
