एभरेष्ट बैंकले ३ अर्बको ऋणपत्र निष्काशन गर्ने
वि.सं.२०८१ माघ १६ बुधवार
काठमाडौं । एभरेष्ट बैंक लिमिटेडले ऋणपत्र निष्कासनको अनुमति पाएको छ । नेपाल धितोपत्र बोर्डले बैंकलाई ‘एभरेष्ट बैंक डिबेन्चर–२०९१’ जारी गर्न अनुमति दिएको हो ।
सेबोनले कम्पनीलाई १ हजार रुपैंया अंकित दरका ३ अर्ब रुपैयाँबराबरको ३० लाख कित्ता भएको ‘७.५० प्रतिशत एभरेष्ट बैंक डिबेञ्चर—२०९१’ नामक ऋणपत्र निष्कासनको अनुमति दिएको छ ।
कुल निष्कासनमध्ये ४० प्रतिशत अर्थात १ अर्ब २० करोडबराबरको १२ लाख युनिट सर्वसाधारणलाई र बाँकी ६० प्रतिशत १ अर्ब ८० करोड बराबरको १८ लाख युनिट व्यक्तिगत तबरबाट बिक्री गरिने बैंकले जनाएको छ । १० वर्ष अवधिको उक्त ऋणपत्रमा वार्षिक ७.५ प्रतिशत दरले ब्याज भुक्तानी अर्धवार्षिक रुपले ६/६ महिनाको अवधिमा हुनेछ । बैंकको ऋणपत्र बिक्री प्रबन्धकमा लक्ष्मी सनराइज क्यापिटल रहेको छ ।
प्रकाशित समय : ११:२७ बजे
