आइसिएफसि फाइनान्सको २१औं वार्षिक साधारण सभामा लाभांश पारित
वि.सं.२०८१ पुस २९ सोमवार
काठमाडौं । आइसिएफसि फाइनान्सको लाभांश पारित भएको छ ।
कम्पनीको २१औं वार्षिक साधारण सभाले उक्त लाभांश पारित गरेको छ । कम्पनीले यो वर्ष आफ्ना शेयरधनीलाई वितरण गर्न प्रस्ताव गरेको ५.२६३२५ प्रतिशत लाभंश पारित गरेको हो ।
सभाले आर्थिक वर्ष २०८१/८२ को लागि बाह्य लेखापरीक्षकमा एन.अमात्य एण्ड कं. चार्टर्ड एकाउन्टेन्टस् लाई नियुक्त गरेको छ।
सोही सभाबाट तीन जना संचालक निर्वाचित भएका छन् । संस्थापक समूहबाट संचालक समितिमा प्रतिनिधित्व गर्ने सञ्चालक पदमा सुशीलकुमार अर्याल, रचना अधिकारी र अच्युतराज आचार्य निर्विरोध निर्वाचित भएका हुन् । उनीहरुको कार्यकाल आगामी चार वर्षको हुनेछ ।
प्रकाशित समय : १८:१९ बजे
