पुस २९ गते मुक्तिनाथ विकास बैंकले बोलायो साधारण सभा
वि.सं.२०८१ पुस ८ सोमवार
काठमाडौं । मुक्तिनाथ विकास बैंकले पुस २९ गते वार्षिक साधारण सभा गर्ने भएको छ ।
बैंकको पुस ७ गते बसेको सञ्चालक समितिको बैठकले साधरण सभा बस्ने निर्णय गरेको हो । सभा पोखरा इभेन्ट सेन्टर बुलौंदी पोखरा कास्कीमा बिहान ११ बजे सुरु हुनेछ ।
सभामा बैंकले अविमोच्य असञ्चिति अग्राधिकार शेयर जारी गर्ने प्रस्ताव पेश गर्नेछ । बैंकले १ सय रुपैयाँका दरले १ अर्ब बराबरको मुक्तिनाथ ८.५ प्रतिशत अविमोच्य असञ्चिति अग्राधिकार शेयर जारी गर्ने प्रस्ताव पेश गर्न लागेको हो ।
सभा प्रयोजनका लागि कम्पनीले पुस १९ गते बुक क्लोज गर्ने भएको छ । तसर्थ, पुस १८ गतेसम्म कायम रहेका सेयरधनीले मात्र सभामा भाग लिन सक्नेछन् ।
प्रकाशित समय : १४:४६ बजे
