काठमाडौं । नेपाल बीमा प्राधिकरणले जीवान बीमा कम्पनीहरूको कार्तिक महिनाको व्यापार सार्वजनिक गरेको छ ।

सञ्चालित १४ जीवन बीमा कम्पनीहरुले कार्तिक महिनामा ९ अर्ब ७६ करोड ५९ लाख रुपैयाँ बराबरको नविकरण बीमा शुल्क आर्जन गर्न सफल भएका छन् ।

सार्वजनिक भएको तथ्यांक अनुसार गत आर्थिक वर्षको यसै अवधिको तुलनामा कम्पनीहरुको नबिकरण बीमा शुल्क आर्जन ४५.१० प्रतिशतले बृद्धि भएको छ ।

कार्तिक महिनाको नविकरण बीमा शुल्क आर्जनमा अन्य बीमा कम्पनीको तुलनामा नेपाल लाइफ इन्स्योरेन्स अग्र्रस्थानमा रहेको छ । त्यस्तै गत आवको तुलनामा राष्ट्रिय जीवन बीमा कम्पनीको नबिकरण बीमा शुल्क १८३ प्रतिशतले बृद्धि भएको हो ।

नेपाल लाइफ इन्स्योरेन्स कम्पनीले कार्ति महिनामा २ अर्ब ७४ करोड ४ लाख रुपैयाँ नविकरण बीमा शुल्क आर्जन गरेको छ । गत आवको तुलनामा कम्पनीको नविकरण बीमा शुल्क आर्जन ३९ प्रतिशतले बृद्धि भएको छ ।

त्यस्तै, दोस्रो नम्बरमा रहेको एलआइसी नेपालको नविकरण बीमा शुल्क आर्जन ४१ प्रतिशतले बृद्धि भई १ अर्ब २५ करोड ७५ लाख रुपैयाँ र तेस्रो स्थानमा रहेको नेशनल लाइफ इन्स्योरेन्सको नविकरण बीमा शुल्क आर्जन ५२.८० प्रतिशतले बढेर १ अर्ब १४ करोड ५४ लाख रुपैयाँ रहेको छ ।

चालु आवको साउनदेखि कार्तिक महिनासम्मा हिमालयन लाइफ इन्स्योरेन्सले नविकरण बीमा शुल्क आर्जन १ अर्ब ११ करोड १४ लाख, सूर्यज्योति लाइफ इन्स्योरेन्सको ५९ करोड करोड ३४ लाख, एशियन लाइफ इन्स्योरेन्सले ५७ करोड ३५ लाख, सानिमा रिलायन्स लाइफले ३५ करोड ५० लाख र मेट लाइफ नेपालको ३४ करोड ४१ लाख बराबरको नविकरण बीमा शुल्क आर्जन गरेका छन् ।

रिलायबल नेपाल लाइफको ७३ प्रतिशत, प्रभु महालक्ष्मी लाइफको ७० प्रतिशत, सूर्यज्योति लाइफको ६८.४७ प्रतिशत, आइएमई लाइफको ६४ प्रतिशत, सन नेपाल लाइफको ५५ प्रतिशतले नविकरण बीमा शुल्क आर्जन बढेको सार्वजनिक तथ्ृयांकमा छ ।