काठमाडौं । सन नेपाल लाइफ इन्स्योरेन्स कम्पनीले प्रदेश स्तरीय मार्केटिङ म्यानेजर सम्मान कार्यक्रम सम्पन्न गरेको छ।

सिद्धार्थ ग्रीन रिसोर्ट, चन्द्रौटामा आयोजित एक कार्यक्रममा लुम्बिनी प्रदेशका करिब २०० जना मार्केटिङ म्यानेजरहरू तथा शुक्र र चन्द्र क्लबमा पुग्न सफल अभिकर्तालाई विशेष रूपमा सम्मान गरिएको हो।

कार्यक्रमका प्रमुख अतिथि तथा कम्पनीका प्रमुख कार्यकारी अधिकृत राज कुमार अर्यालले जीवन बीमा अभिकर्ता पेशा सम्मानित र स्वतन्त्र रहेको बताउँदै थप उर्जाका साथ अघि बढ्न प्रेरित गरे। उनले सन नेपाल लाइफलाई नेपालमा डिजिटल प्लेटफर्ममा प्रवेश गर्ने पहिलो बीमा कम्पनीको रूपमा चिनाउँदै नवीनतम सुविधा दिने प्रतिबद्धता व्यक्त गरे।

मार्केटिङ म्यानेजर सन्तोष बस्नेतले सन नेपाल लाइफको दूरदर्शी सोच, ग्राहक र अभिकर्ता मैत्री योजना तथा कार्यक्रमको प्रशंसा गर्दै यस सम्मानले थप उर्जा प्रदान गरेको बताए।

चिफ मार्केटिङ अफिसर गणेश चौलागाईले अभिकर्ता पेशामा सफलता प्राप्त गर्न निरन्तर मेहनतको आवश्यकता रहेको र यसबाट सम्मान र आम्दानी दुवै हासिल गर्न सकिने तथा आवश्यक पर्ने बिक्रीकलाको विषयमा प्रशिक्षण प्रदान गरे।

उक्त कार्यक्रममा कम्पनीका शीर्ष व्यवस्थापन, शाखा तथा उपशाखा प्रमुख तथा कर्मचारीहरू सहित २०० जनाभन्दा बढी मार्केटिङ म्यानेजरको उपस्थिति थियो।