काठमाडौं । अपि पावरले लाभांश दर घटाएको छ । अपि पावरले यसअघिको ९ प्रतिशत लाभांश सहितको वित्तिय विवरण नियामक बिद्युत नियमन आयोगले अस्वीकृत गरेपछि  लाभांश दर घटाएको हो ।

कम्पनीले अब ५ प्रतिशत बोनस दिने घोषणा गरेको छ। कम्पनीले यहि असोज १८ गतेको संचालक समितिको बैठकले यसअघिको ९ प्रतिश्त लाभांशलाई घटाएर ५ प्रतिशतमा झारेको हो। अपि पावरले ५ प्रतिशत बोनस शेयर र कर प्रयोजनका लागि ०.२६३२ प्रतिशत नगद लाभांश प्रस्ताव गरेको छ।

त्यस्तै कम्पनीले नयाँ मितिको वार्षिक साधारणसभा र नयाँ बुक क्लोज मिति तय गरेको छ। आउँदो कात्तिक ११ गते बार्षिक साधारणसभा हुनेछ ।

कम्पनीले कात्तिक २ गतेको लागि बुक क्लोज मिति तय गरिएको छ। कात्तिक २ गते बुक क्लोज गरिएकाले कात्तिक एक गतेसम्म कायम शेयरधनीहरूले मात्रै अपि पावरको लाभांश पाउनेछन।