काठमाडौं । वित्तीय साक्षरता तथा प्रशिक्षणको लागि मुक्तिनाथ विकास बैंक र फाईनान्स फ्रेन्ड प्रा.लि. बीच समझदारी पत्रमा हस्ताक्षर भएको छ ।

नेपालको वित्तीय क्षेत्रको सबैभन्दा ठुलो, अब्बल र प्रतिष्ठित विकास बैंक मुक्तिनाथ विकास बैंक र बित्तीय साक्षरता, बैंकिङ्ग परामर्श, प्रशिक्षण तथा विकासका कार्यक्रम संचालनको क्षेत्रमा प्रतिष्ठित कम्पनी फाईनान्स फ्रेन्ड प्रा.लि. बीच समझदारी पत्रमा हस्ताक्षर भएको हो ।

काठमाडौंमा आज (सोमबार) एक कार्यक्रमका बीच यि दुई संस्था बीचमा उक्त समझदारी भएको हो ।

समझदारी पत्रमा मुक्तिनाथ विकास बैंकका तर्फबाट एसिष्टेन्ट डेपुटि सि.ई.ओ तील बहादुर गुरुङ्ग र फाईनान्स फ्रेन्ड प्रा.लि.का तर्फबाट संस्थापक तथा अध्यक्ष रमेशप्रसाद जोशीले हस्ताक्षर गरेका हुन् ।

दुई वित्तीय संस्थाहरुबीच भएको उक्त सम्झौता कार्यान्वयनबाट वित्तीय साक्षरता तथा प्रशिक्षणका क्षेत्रमा थप सहयोग पुग्ने अपेक्षा गरेका छन् ।