काठमाडौं । व्यवसायीहरुले राष्ट्र बैंकका गभर्नर महाप्रसाद अधिकारीलाई मौद्रिक नीतिकोलागि व्यवसायीहरुको तर्फबाट संकलन सुझाव हस्तान्तरण गरेका छन् ।

व्यवसायीहरुको छाता संगठन नेपाल उद्योग वाणिज्य महासंघ, नेपाल चेम्बर कमर्स, नेपाल उद्योग परिसंघले आज संयुक्त कार्यक्रम गरी उक्त सुझाव हस्तान्तरण गरेका हुन् ।

सुझावमा बैंकको ब्याजदर कम गर्न जोड दिइएको उद्योग वाणिज्य महासंघका चन्द्रप्रसाद ढकालले बताए । उनले हाल अर्थतन्त्रमा देखिएको समग्र समस्याहरुलाई राष्ट्र बैंकले आगामी मौद्रिक नीतिमा समेट्छ भन्ने धारणा राखेका छन् ।

उक्त सुझाव ग्रहण गर्दै नेपाल राष्ट्र बैंकका गभर्नल अभिकारीले व्यवसायीले दिएका सुझावले राष्ट्र बैंकलाई व्यवसायीक क्षेत्रको मौद्रिक नीति तय गर्न सहज पुग्ने बताए । उनले व्यवसायीले दिएका सुझाव सबै समेटेर मौद्रिक नीति तय गर्ने प्रतिवद्धता व्यक्त गरेका छन् ।