काठमाडौं । प्रभु लाइफ इन्स्योरेन्स कम्पनीले चालु आर्थिक वर्षको तेस्रो त्रैमाससम्मको वित्तीय विवरण सार्वजनिक गरेको छ ।

कम्पनीले सार्वजनिक गरेको विवरण अनुसार खुद नाफामा गिरावट आएको देखिएको छ ।

चालु आर्थिक वर्षको तेस्रो त्रैमाससम्मको अवधिमा कम्पनीको खुद नाफा २६.४८ प्रतिशतले घटेर १० करोड १३ लाख ३४ हजार रुपैयाँ आर्जन गरेको छ ।

गत आर्थिक वर्षको सोही अवधिमा कम्पनीले १३ करोड ७८ लाख ३८ हजार रुपैयाँ खुद नाफा कमाएको थियो ।

चैत मसान्तसम्मको अवधिमा कम्पनीकाने खुद बीमा शुल्क ३३.९२ प्रतिशतले बढेर १ अर्ब ४५ करोड ७७ लाख १९ हजार रुपैयाँ आर्जन गरेको छ ।

गत आर्थिक वर्षको सोहि अवधिमा कम्पनीको खुद बीमा शुल्क १ अर्ब ८ करोड ८४ लाख ६० हजार रुपैयाँ रहेको थियो ।

चालु आर्थिक वर्षको ९ महिनाको अवधिमा कम्पनीको खुद दाबी भुक्तानी ४१७.८९ प्रतिशतले बढेर २७ करोड ६६ लाख ५२ हजार रुपैयाँ आर्जन गरेको छ ।

गत आथिक वर्षका भने खुद दाबी भुक्तानी ५ करोड ३४ लाख १९ हजा रुपैयाँ रहेको थियो ।

समिक्षा अवधिमा कम्पनीको जगेडा कोष २४.४१ प्रतिशतले बढेर ४५ करोड ५४ लाख ३९ हजार रुपैयाँ, जीवन बीमा कोष ५३.७५ प्रतिशतले बढेर २ अर्ब ७१ करोड ५० लाख ३६ हजार रुपैयाँ, महाविपत्ती कोष ३८.८२ प्रतिशतले बढेर ३ करोड ५७ लाख ७६ हजार रुपैयाँ, बीमालेख धितोमा कर्जा ८.८५ प्रतिशतले बढेर ४० करोड ६२ लाख ३ हजार रुपैयाँ, अभिकर्ता कमिशन ३९ प्रतिशतले बढेर २३ करोड ८० लाख ५८ हजार रुपैयाँ रहेको छ ।

यसको प्रतिसेयर आम्दानी ६ रुपैयाँ ७६ पैसा र प्रतिसेयर नेटवर्थ १२४ रुपैयाँ ५६ पैसा रहेको छ ।