काठमाडौं । सिभिल बैंक लिमिटेडको चालु आर्थिक वर्षको तेस्रो त्रैमासमा खुद नाफा ७९.९१ प्रतिशत बढेर ९० करोड ४१ लाख २३ हजार रुपैयाँ आर्जन गरेको छ ।

गत आर्थिक बर्षको सोही अवधिमा बैंकले ५० करोड २५ लाख ५५ हजार रुपैयाँ खुद नाफा आर्जन गरेको थियो ।

चालु आर्थिक बर्षको ९ महिनामा बैंकको खुद ब्याज ५९.३९ प्रतिशत बढेर २ अर्ब ४५ करोड ५२ लाख ८७ हजार रुपैयाँ आर्जन गरेको छ ।

गत आर्थिक बर्षको सोही अवधिमा बैंकले १ अर्ब ५४ करोड ३ लाख ८६ हजार रुपैयाँ खुद ब्याज आम्दानी गरेको थियो ।

यस अवधिमा बैंकको सञ्चालन नाफा ९१.४५ प्रतिशत बढेर १ अर्ब ३० करोड ३८ लाख ७३ हजार रुपैयाँ र वितरणयोग्य नाफा ४२ करोड ६८ लाख ८२ हजार रुपैयाँ रहेको छ ।

समिक्षा अवधिमा बैंकको चुक्ता पूँजी ५ प्रतिशत बढेर ९ अर्ब ७ करोड ५८ लाख ४४ हजार रुपैयाँ, जगेडा कोष ०.१३ प्रतिशत घटेर १ अर्ब ५५ करोड ४३ लाख ४६ हजार रुपैयाँ, निक्षेप २.३३ प्रतिशत बढेर ९० अर्ब ७० करोड ४० लाख ९९ हजार रुपैयाँ र कर्जा ६.२० प्रतिशत बढेर ८३ अर्ब ९३ करोड ६१ लाख ७२ हजार रुपैयाँ पुगेको छ ।

यस अवधिमा बैंकको प्रतिशेयर आम्दानी ५ रुपैयाँ ५३ पैसाले बढेर १३ रुपैयाँ २८ पैसा रहेको छ भने प्रतिशेयर नेटवर्थ १२७ रुपैयाँ ५२ पैसा रहेको छ ।