काठमाडौं । नेपाल लाइफ इन्स्योरेन्स कम्पनीको लाभांश सुरक्षित गर्ने आज (चैत ६ गते) अन्तिम दिन रहेको छ । इन्स्योरेन्स कम्पनीले साधारण सभा तथा लाभांश वितरण प्रयोजनार्थ भोलि अर्थात चैत ७ गते बुकक्लोज गर्ने भएको हो ।

त्यसैले आजसम्म नेप्सेमा कारोबार भइ कायम शेयरधनीहरुले इन्स्योरेन्सको साधारण सभामा सहभागिता जनाउन तथा इन्स्योरेन्सले वितरण गर्ने लाभांश प्राप्त गर्न सक्नेछन्।

इन्स्योरेन्स कम्पनीले हाल कायम चुक्ता पूँजीको १४ प्रतिशत बोनस शेयर र कर प्रयोजनार्थ ०.७३ प्रतिशत नगद गरी कूल १४.७३ प्रतिशत लाभांश वितरण गर्ने प्रस्ताव गरेको छ ।उक्त लाभांश पारित गर्न कम्पनीले चैत २१ गते २१ औँ वार्षिक साधारण सभा बोलाएको छ । कम्पनीको सभा होटल भिस्वा, वीरगंजमा बिहान ९ बजे शुरु हुनेछ ।

सभाले हाल कायम पूँजी संरचनामा संस्थापक र सर्वसाधारण शेयरको ६० बराबर ४० अनुपातलाई परिवर्तन गरी ५१ः४९ प्रतिशत कायम गर्ने छ । साथै सञ्चालक समितिमा संस्थापक शेयरधनी समूह (क) बाट प्रतिनिधित्व गर्ने ४ जना सञ्चालकहरुको निर्वाचन गर्नेछ ।