नयाँ डिजाइनमा थप वोल्ड बनेर बजारमा आउँदै डस्टर
वि.सं.२०७९ मंसिर १२ सोमवार
काठमाडौं । फ्रेन्च अटो निर्माता रेनोले आफ्नो चर्चित एसयूभी डस्टरलाई नयाँ डिजाइनका साथ बजारमा उतार्ने भएको छ ।
यो नयाँ एसयुभीको डिजाइनालाई रेनोले थप वोल्ड वनाउने जनाएको छ ।
भारत लगायत एसियाली मुलुकमा कम्प्याक्ट एसयूभीको माग बृद्धि भएपछि रेनोले यो एसयूभीलाई भारतमा उत्पादन गरेको थियो । तर पछि बजारमा माग कम हुँदै गएपछि उत्पादन नै वन्द गर्न पुगेको थियो ।
कम्पनीले आफ्नो नयाँ सीएमएफ–बी प्लेटफर्ममा आधारित रहेर नयाँ डस्टर बजारमा ल्याउने तयारी थालेको हो ।
त्यसको लागि कम्पनीले ४० अर्ब भारतीय रुपैयाँ थप लगानी गर्ने घोषणा गरेको छ ।
डस्टरको यो नयाँ मोडल हाइब्रिड इन्जिनमा उपलब्ध हुने बताइएको छ । सन् २०२४ को मध्येतिर लन्च हुने अनुमान लगाइएको यो एसयूभीमा फोर ह्विल ड्राइभको सट्टा अल ह्विल ड्राइभ उपलब्ध हुनसक्ने आँकलन गरिएको छ । हाइव्रिड इन्जिनका कारण यसको माइलेजमा समेत बृद्धि हुनेछ ।
डस्टर यसअघि नेपाली बजारमा समेत उपलब्ध रहँदै आएको थियो । नेपालका लागी आधिकारिक वितरक एडभान्स अटोमोवाइल्सले ५ वर्षअघि भित्राएको यो एसयूभी अहिले पनि सडकमा राम्रै संख्यामा गुडिरहेका छन् । फोर ह्विल ड्राइभ एसयूभीमा सवैभन्दा सस्तो मोडलका रुपमा यसले चर्चा वटुलेको थियो ।
प्रकाशित समय : ११:२२ बजे