काठमाडौं । प्रत्यक्षतर्फको मतगणना करिब सकिन लाग्दा समानुपातितर्फको गणना जारी छ ।

आइतबार बिहान ८ : ४५ बजेसम्म ९२ लाख ५७ हजार ८५० मत गणना सकिदा नेकपा एमालेले नेपाली कांग्रेससँगको अग्रतालाई झनै फराकिलो बनाउँदै पहिलोस्थानमा रहेको छ ।

एमालेले २५ लाख २५ हजार बटाउँदा कांग्रेसले २३ लाख ९२ हजार पुर्याएको छ ।

यस्तै माओवादीलाई उछिन्दै रवि लामिछाने नेतृत्वको राष्ट्रिय स्वतन्त्र पार्टी तेस्रोमा उक्लिएको छ भने माओवादी चौथो बनेको छ । राष्ट्रिय स्वतवन्त्र पार्टीले १० लाख ६१ हजार ७५८ मत प्राप्त गर्दा माओवादी १० लाख ५६ हजार २७० मत ल्याएर पछ्याइरहेको छ ।

राष्ट्रिय प्रजातन्त्र पार्टी ५ लाख ४४ हजार ६३९ मतका साथ पाँचौं र ३ लाख १९ हजार ४६८ मत ल्याएर जसपा छैटौं स्थानमा छ ।

सीके राउतको जनमत पार्टीले २ लाख ५६ हजार ४६ ल्याउँदा नेकपा एसले २ लाख ४९ हजार २९२ मत पाएर सातौं स्थानमा रहेको छ ।

कर्पाेरेट बजार

प्रकाशित समय : ११:०५ बजे