काठमाडौ । हिमालयन बैंकको सञ्चालक समितिको अध्यक्षबाट तुलसी गौतम बाहिरीयका छन् । सञ्चालक समितिको बैठकले उनलाई अध्यक्षबाट हटाएको हो । हिमालयन बैंकमा कर्मचारी संचय कोषको १४ प्रतिशत सेयर छ । कोषको तर्फबाट बैंकको संचालक समितिमा प्रतिनिधित्व गरेका गौतमलाई सरकारले नियम विपरित पदमा बसेको भन्दै हटाएको थियो ।

सरकारको निर्णयको विरोद्धमा पुनः सर्बोच्च अदालत गएका गौतमलाई सर्वाेच्चले उनकै पक्षमा फैसला गरेको थियो । कर्मचारी संचय कोषको प्रमुख प्रशासक हुनका लागि संचयकर्ता हुनुपर्ने व्यवस्था भएपनि गौतम संचयकर्ता नभएपनि पदमा बसिरहेका छन् ।

यद्यपी अब भने हिमालयन बैंकको सञ्चालक समितिले नै उनलाई अध्यक्षबाट हटाउन लागेको जनाएको हो । कर्मचारी संचय कोषको सञ्चालक समितिले हिमालयन बैंकमा पत्र लेखेर संचय कोषमा हिमालयन बैंकको सञ्चालक समितिको प्रतिनिधित्व गौतमले नगर्ने अबदेखि जिनेन्द्र धितालले गर्ने उल्लेख गरिएको छ ।

नियमअनुसार सेयरधनी रहेककै व्यक्ति संचय कोषले पठाउन सक्ने जनाउँदै कोषको सञ्चालक समितिको पत्र अनुसार हिमालयन बैंकले गौतमलाई सञ्चालकबाट हटाएको हो ।

गौतमको ठाउँमा धिताल हिमालयन बैंकको सञ्चालक हुने छन् । बैंकको संचालक समितिको अध्यक्ष पनि धिताल नै हुने छन् । धिताल संचय कोषमा दोस्रो बरियताको कर्मचारी हुन् ।
२०७८ भदौ २९ गते प्रकाशित