कामठाडौँ । एक्सेल डेभलपमेन्ट बैंकले हकप्रद सेयर (राईट सेयर) निष्काशनका लागि अनुमति पाएको छ । सेयर बजारको नियामक निकाय धितोपत्र बोर्डबाट चुक्ता पूँजीको ३० प्रतिशत हकप्रद शेयर जारी गर्न अनुमति पाएको हो ।

बैंकले गत जेठ २७ गते हकप्रद शेयर निष्काशनको अनुमति माग्दै बोर्डमा आवेदन दिएको थियो । बोर्डले आज (साउन ३१ गते आइतबार) अनुमति दिएको हो ।

बैंकले प्रतिशेयर एक सय रुपैयाँ अंकित मूल्यमा २४ करोड ३३ लाख ३६ हजार ३६७ दशमलव ४२ रुपैयाँ बराबरको २४ लाख ३३ हजार ३६३ दशमलव ६७ कित्ता हकप्रद शेयर बिक्री गर्न अनुमति पाएको हो ।

बोर्डबाट अनुमति पाएसंगै बैंकले अब बुकक्लोज मिति तोकेर १०ः ३ को अनुपातले हुन आउने हकप्रद शेयर बिक्रीमा ल्याउनेछ ।

बैंकको हकप्रद निष्काशन तथा बिक्री प्रबन्धक एनआईबिएल एस क्यापिटल रहेको छ ।

२०७८ साउन ३१ गते प्रकाशित