काठमाडौँ । साना किसान विकास लघुवित्त वित्तीय संस्था लिमिटेडले गत आर्थिक वर्षको चौथो त्रैमासको वित्तीय विवरण सार्वजनीक गरेको छ । कम्पनीले समिक्षा अवधिमा १२.१८ प्रतिशतले खुद नाफा बढेको वित्तीय विवरण सार्वजनीक गरेको छ । बढेर ६१ करोड ४९ लाख ९० हजार रुपैयाँ आर्जन गरेको छ ।

गत असार मसान्तसम्ममा लघुवित्तको खुद ब्याज आम्दानी ९.०२ प्रतिशत बढेर १ अर्ब २१ करोड ६९ लाख २७ हजार रुपैयाँ आर्जन गरेको छ ।
समीक्षा अवधिमा लघुवित्तको सञ्चालन मुनाफा ५.७८ प्रतिशत घटेर ७७ करोड ४० लाख ७६ हजार रुपैयाँमा सिमित भएको छ । यस अवधिमा लघुवित्तले ८८.४९ प्रतिशतले सम्भावित जोखिम बापत रकम बढाएर ३० करोड ८० लाख रुपैयाँ व्यवस्था गरेको छ । लघुवित्तले यस अवधिमा २० करोड ७ लाख रुपैयाँ खराब कर्जा संकलन गरेको छ ।

गत असार मसान्तसम्म लघुवित्तको चुक्ता पूँजी २५.१२ प्रतिशत बढेर १ अर्ब २५ करोड १५ लाख ३० हजार रुर्पयाँ, जगेडा कोष १७.८३ प्रतिशत बढेर २ अर्ब ३२ करोड ६२ लाख २५ हजार रुपैयाँ, सापटी ४.५८ प्रतिशत बढेर २० अर्ब ३१ करोड ७९ लाख ९० हजार रुपैयाँ र कर्जा १४.८१ प्रतिशत बढेर २४ अर्ब ५३ करोड ६९ लाख ७४ हजार रुपैयाँ पुगेको छ ।

लघुवित्तको प्रतिशेयर आम्दानी (ईपीएस) ५ रुपैयाँ ६७ पैसा घटेर ४९ रुपैयाँ १४ पैसामा सिमित भएको छ । लघुवित्तको मूल्य आम्दानी अनुपात ३३.३७ गुणा रहेको छ भने प्रतिशेयर नेटवर्थ २८५ रुपैयाँ ८७ पैसा रहेको छ ।

२०७८ साउन २६ गते प्रकाशित