काठमाडौँ । नाडेप लघुवित्त वित्तीय संस्था लिमिटेडले गत आर्थिक वर्षको वित्तीय विवरण सार्वजनीक गरेको छ ।

आज सार्वजनीक वित्तीय विवरण अनुसार संस्थाको सम्पूर्ण आथिक सूचकमा उत्साह देखिएको छ । समिक्षा अवधिमा संस्थाले खुद नाफा ८३६९.११ प्रतिशतले बढाएको छ ।

संस्थाले अघिल्लो आर्थिक वर्षमा १८ लाख ५२ हजार रुपैयाँ आर्जन गरेकोमा गत आर्थिक वर्षको समिक्षा अवधिमा १५ करोड ६८ लाख ४८ हजार रुपैयाँ आर्जन गरेको हो ।

यसरी नै असार मसान्तसम्म लघुवित्तको खुद ब्याज आम्दानी ८७.५७ प्रतिशतले बढेर ४७ करोड ५७ लाख ७ हजार रुपैयाँ आर्जन गरेको छ । अघिल्लो आवको साही अवधिमा लघुवित्तले २५ करोड ३६ लाख १४ हजार रुपैयाँ खुद ब्याज आम्दानी गरेको थियो ।

समिक्षा अवधिमा लघुवित्तको सञ्चालन नाफा २०७६.०५ प्रतिशतले बढेर २४ करोड ३८ लाख ७४ हजार रुपैयाँ आर्जन गरेको छ । अघिल्लो आवको सोही अवधिमा लघुवित्तको सञ्चालन मुनाफा ८६ लाख ९१ हजार रुपैयाँ थियो ।

गत असार मसान्तसम्म लघुवित्तको चुक्ता पूँजी स्थिर रहेर ४० करोड ४८ लाख रुपैयाँ, जगेडा कोष ६५.७५ प्रतिशतले बढेर ३६ करोड ७२ लाख ९ हजार रुपैयाँ, निक्षेप संकलन १३.३७ प्रतिशतले बढेर १ अर्ब ५४ करोड ४२ लाख ४७ हजार रुपैयाँ र कर्जा लगानी ६.७२ प्रतिशतले बढेर ४ अर्ब ४० करोड ४० लाख ७८ हजार रुपैयाँ रहेको छ ।

समिक्षा अवधिसम्म लघुवित्तको प्रतिशेयर आम्दानी ३४ रुपैयाँ ९९ पैसा बढेर ३८ रुपैयाँ ७५ पैसा पुगेको छ ।

२०७८ साउन २२ गते प्रकाशित