काठमाडौँ सिडिओहरुको बैठक बस्दै, सार्वजनिक सवारीमा जोरबिजोर लागु गर्नेनगर्ने निर्णय हुने
वि.सं.२०७८ असार १४ सोमवार
काठमाडौं ।कोभिड संक्रमणलाई कम तथा नियन्त्रण गर्नका लागि आगमी दिनमा के गर्ने भनि आर्ज काठमाडौं उपत्यकाका सीडीओहरुको बैठक बस्न लागेको
छ । जारी निषेधाज्ञा थप एकसाता लम्बाउनुका साथै के–के सेवाहरु खुला गर्ने बारे निर्णय गर्न बैठक बस्न लागेको हो ।
निषेधाज्ञाको मोडालिटीबारे अन्तिम टुङ्गो लगाउन सीडीओहरुको बैठक अहिले १० बजे बस्न लागेको हो । बैठकमा अब के कसरी निषेधाज्ञा अगाडी बढाउने वा के गर्ने भन्ने बारे निर्णय हुने छ ।
साथै अब सार्वजनिक सवारी साधन परिचालन गर्ने नगर्ने विषयमा पनि बैठकले निर्णय गर्ने छ । जिल्ला प्रशासन कार्यालय ललिपुरका प्रमुख जिल्ला अधिकारी ढुण्डीप्रसाद निरौलाका अनुसार सार्वजनिक सवारी साधनमा जोरबिजोर लागु गर्नेबारे छलफल भइरहेको छ ।
सीडीओ निरौलाले २० सिट क्षमताभन्दा बढी क्षमता भएका सवारीमा जोर बिजोर लागु गरिनेबारे छलफल भईरहेको भएपनि निर्णय अझै नभएको बताएका हुन् ।
२०७८ असार १४ गते प्रकाशित
प्रकाशित समय : ०४:०२ बजे
