थप १९२० जनामा कोरोना संक्रमण, ३००७ निको भए
वि.सं.२०७८ असार १३ आइतवार
काठमाडौँ । पछिल्लो २४ घण्टामा ३००७ जना कोरोना भाइरस संक्रमणमुक्त भएका छन् । नेपालमा हालसम्म संक्रमित भएर ५ लाख ८४ हजार ३३४ जना संक्रमणमुक्त भएका छन्
पछिल्लो २४ घण्टामा थप १९२० जनामा कोरोना भाइरस संक्रमित भेटिएका छन् । स्वास्थ्य तथा जनसंख्या मन्त्रालयका अनुसार ६००० जनामा गरिएको पीसीआर परीक्षणमा १३५३ र ३८३६ जनामा गरिएको एन्टिजेन परीक्षणमा ५६७ जना गरी १९२० जनामा संक्रमण पुष्टि भएको हो ।
संक्रमितमध्ये काठमाडौं उपत्यकमा ४२४ जना रहेका छन् । जसमा काठमाडौं जिल्लामा २९२, ललितपुरमा १०० र भक्तपुरमा ३२ जना रहेका छन् । अहिलेसम्म नेपालमा ६ लाख ६५ हजार ७७७ जनामा कोरोना भाइरस संक्रमण भएको छ । त्यस्तै पछिल्लो २४ घण्टामा संक्रमणका कारण ३४ जनाको मृत्यु भएको छ ।
२०७८ असार १३ गते प्रकाशित
प्रकाशित समय : ११:३८ बजे
