काठमाडौँ – सर्वोत्तम सिमेन्टले साधारण शेयर (आईपीओ) जारी गर्न ग्लोबल आइएमई क्यापिटललाई बिक्री प्रबन्धक नियुक्त गरेको छ ।

कम्पनीले आज कार्यक्रम आयोजना गरी कम्पनीले ग्लोबल आइएमईलाई बिक्री प्रवन्धकको रुपमा नियुक्त गरेको हो ।साथै कम्पनीले प्रभु क्यापिटल र एनआइबिएल एस क्यापिटललाई सहायक बिक्री प्रबन्धक समेत नियुक्त गरेको छ ।

सर्वोत्तमले बुक विल्डिङको माध्यमबाट आईपीओ जारी गर्ने तयारी हो । कम्पनीको तिन अर्ब ४० करोड रुपियाँ चुक्ता पुँजी रहेको छ । कम्पनीले १५ प्रतिशत अर्थात ६० लाख रुपियाँ बराबरको आईपीओ जारी गर्न लागेको हो । 

नेपालमा बुक विल्डिङको माध्यमबाट आईपीओ जारी गर्ने पहिलो कम्पनी सर्वोत्तम सिमेन्ट रहेको छ । बुक विल्डिङ विधिमार्फत् आईपीओको न्यूनतम मूल्य ७५० रुपैयाँ तय गरिने कम्पनीले जानकारी दिएको छ । तर कम्पनीको  बिक्री मूल्यको तल्लो सीमा त्यसको २० प्रतिशत कम अर्थात् छ सय रुपैयाँ र माथिल्लो सीमा ७५० को २० प्रतिशतले बढी अर्थात् नौं रुपैयाँसम्म हुन सक्ने कम्पनीले जनाएको छ ।कम्पनीको ६० लाख कित्ता आइपीओमध्ये २४ लाख कित्ता सेयर योग्य संस्थागत लगानीकर्ताका लागि र बाँकी रहेको ३६ लाख कित्तामध्ये ८ लाख कित्ता स्थानीयबासीलाई, ३ लाख कित्ता कर्मचारीलाई र २५ लाख कित्ता सर्वसाधारणका लागि जारी गर्नेछ ।

कम्पनीको अहिलेको अवस्था हेर्दा आईपीओ जारि गरेको  तिन महिना भित्र लगानीकर्तालाई १० प्रतिशत बोनश र २५ प्रतिशत नगद लाभांश दिने  क्षमता रहेको छ ।