काठमाडौं, ३ चैत- नेपाल स्टक एक्सचेन्ज (नेप्से) ले महिला लघुवित्तको १० लाख कित्ता साधारण सेयर (आईपीओ) सूचीकरण गरेको छ।

नेप्सेले कम्पनीको सुरुवाती कारोबारको लागि प्रतिकित्ता ३ सय १३ रुपैयाँ १६ पैसादेखि ९ सय ३९ रुपैयाँ ४८ पैसा तोकिदिएको हो। नेप्से र कम्पनीबीच चैत २ गते सोमबार सूचीकरण सम्झौता भएको हो।

कम्पनीले नेपाल एसबीआई मर्चेन्ट बैंकिङ लिमिटेडमार्फत ४ लाख कित्ता साधारण सेयर सर्वसाधारणको लागि खुल्ला बिक्री आह्वान गरेको थियो। कम्पनीका संस्थापकहरुले लगानी गरेको ६ लाख कित्ता सेयर समेत गरी कम्पनीले जम्मा १० लाख कित्ता साधारण सेयर वितरण भएको थियो।सम्झौता अनुसारआज देखि सेयरबजारमा कारोबार सुरु भएको छ ।