वीरगञ्ज । चालु आर्थिक वर्षको चार महिनामा वीरगञ्ज नाका भएर ५४ अर्ब १२ करोड रुपैयाँ मूल्य बराबरको पेट्रोलियम पदार्थ आयात भएको छ । डिजेल, पेट्रोल, लिक्विफाइड पेट्रोलियम ग्यास ९एलपिजी०, एभिएसन टर्बाइन फ्युल ९एटिएफ० र मट्टितेल आयातबाट २२ अर्ब ९० करोड रुपैयाँ राजस्व सङ्कलन भयो ।

वीरगञ्ज भन्सार कार्यालयका अनुसार गत आवको चार महिनाको तुलनामा चालु आवको सोही अवधिमा रकमको आधारमा पाँच थरिका पेट्रोलिम पदार्थको आयातमा दुई अर्ब ९३ करोड रुपैयाँले बढी हो ।

जबकी गत आवको चार महिनाको अवधिमा भने ५१ अर्ब १९ करोड रुपैयाँ मूल्य पर्ने पेट्रोलियम पदार्थको आयात हुँदा २० अर्ब ८९ करोड राजस्व सङ्कलन भएको थियो। वीरगञ्ज भन्सार कार्यालयका प्रमुख भन्सार प्रशासक विष्णुप्रसाद ज्ञवालीले चालु आवको चार महिनामा पेट्रोलियम पदार्थको आयातमा केही वृद्धि भएको जानकारी दिए । ‘गत आवको चार महिनाको तुलनामा चालु आवको सोही अवधिमा पेट्रोलियम पदार्थको आयातबाट प्राप्त हुने राजस्वमा समेत नौ दशमलव ६० प्रतिशतले बढेको छ,’ उनले भने ।

वीरगञ्ज भन्सार कार्यालयका चालु आवको कात्तिक मसान्तसम्म २४ अर्ब ४० करोडरुपैयाँ मूल्य पर्ने दुई लाख ६८ हजार ६७६ किलोलिटर डिजेल आयात भयो । सो डिजेल आयातबाट १० अर्ब ७३ करोड रुपैयाँ राजस्व सङ्कलन भयो । जबकी गत आवको सोही अवधिमा भने २१ अर्ब ८३ करोड मूल्य पर्ने डिजेल आयात भएको थियो । सोबाट नौ अर्ब ७८ करोड राजस्व सङ्कलन भएको थियो।

चालु आवको चार महिनामा १४ अर्ब २७ करोड रुपैयाँ मूल्य पर्ने एक लाख ६६ हजार ६६३ किलोलिटर पेट्रोल आयात भयो । सो पेट्रोल आयात हुँदा नौ अर्ब ४३ करोड रुपैयाँ राजस्व सङ्कलन भयो । जबकी गत आवको चार महिनामा भने १२ अर्ब ४३ करोड मूल्य पर्ने पेट्रोल आयात हुँदा आठ अर्ब ११ करोड राजस्व सङ्कलन भएको थियो ।

चालु आवको चार महिनाको अवधिमा नौ अर्ब ७७ करोड रुपैयाँ मूल्य पर्ने नौ करोड ७३ लाख ९६ हजार ४७२ किलोग्राम एलपी ग्यास आयात भयो । सो आयातबाट एक अर्ब ८३ करोड रुपैयाँ राजस्व सङ्कलन भयो। त्यस्तै गत आवको सोही अवधिमा भने ११ अर्ब १० करोड रुपैयाँ मूल्य पर्ने १० करोड तीन लाख ५९ हजार रुपैयाँ किलोग्राम एलपी ग्यास आयात भएको थियो । सो आयातबाटदुई अर्ब आठ करोड रुपैयाँ राजस्व सङ्कलन भएको थियो ।