भक्तपुर । मध्यपुर थिमि नगरपालिकाले यश आर्थिक बर्षकाे जेठ १५ गते सम्ममा पुजिगत खर्च ३१ प्रतिशत मात्रै भएकाे छ।

मध्यपुर संचार समाजले आज मध्यपुर थिमि नगरपालिकाका प्रमुख र संचारकर्मीहरू विच संवाद कार्यक्रममा नगरप्रमुख सुरेन्द्र श्रेष्ठले आर्थिक वर्ष २०८१/ ८२ मा हाल सम्म ३१ प्रतिशत खर्च भएकाे बताउनुभएकाे हाे । विकास निर्माणका कार्यकाे भूक्तानी बाकि रहेकाले  यस आर्थिक बर्षमा ७० प्रतिशत खर्च हुने अनुमान गरिएकाे छ ।

नगरपालिकाले यस आर्थिक वर्ष काे १० महिनामा चालू खर्च ५१ दशमलभ ७४ प्रतिशत खर्च भएकाे प्रमुख श्रेष्ठले बताउनुभयाे । यस्तै यस आर्थिक बर्षकाे १० महिनामा आन्तरिक आम्दानी २२ कराेड १ लाख ५१ हजार ४ सय ६ रूपैया भएकाे जनाएकाे छ । यस वर्ष नक्सा पास कम भएकाे गत बर्षकाे तुलनामा आम्दानी घट्ने नगरप्रमुखले बताउनुभयाे । गत बर्ष ३० कराेड ४ लाख ५८ हजार आम्दानी भएकाे प्रमुख श्रेष्ठकाे भनाई थियाे । तर सम्पति कर, व्यवसाय कर, घर भाडा कर लगाएतका कर राजस्व संकलन बढेकाे र जरिवाना, शुल्क, दै दस्तुर, जस्ता ग‌‌‌ैर कर राजस्व संकलन घटेकाे छ । यसले नगरपालिकाकाे बितिय सुचक सकारात्मक रहेकाे प्रमुखकाे भनाई छ । 

नगरपालिकाले हाल सम्म ४९ वटा ऐन कानून, नियम, नियमावलि, कार्यविधि र निर्देशिका बनाईसकेकाे समेत जनाएकाे छ ।

नगरपालिकाले शिक्षा , स्वास्थ, खेलकुद, वातावरण सरसफाई, विपद व्यवस्थापन, पर्यटन, कला, धर्म संस्कृति, उद्यम, राेजगार सिपबिकास, कृषि, सहकारी , जग्गा एकीकरण आयाेजना लगाएतका क्षेत्रमा सुधार गरेकाे जनाएकाे छ ।