काठमाडौं । ट्रेड टावर लिमिटेडले आम सर्वसाधारणका लागि प्राथमिक सेयर (आईपीओ) निष्काशन गर्न नेपाल धितोपत्र बोर्ड (सेबोन) बाट अनुमति पाएको छ।

कम्पनीले २०७९ साल असार १४ गते सेबोनमा अनुमति माग गरेको थियो। करिब ३२ महिनापछि उक्त प्रस्ताव स्वीकृत भएको हो। सेबोनबाट स्वीकृति पाएसँगै कम्पनीले अब प्रतिकित्ता १०० रुपैयाँ अंकित मूल्यमा ३९ लाख ७१ हजार ६९३ कित्ता शेयर निष्काशन गर्नेछ। यसबाट कम्पनीले ३९ करोड ७१ लाख रुपैयाँ बराबरको पूँजी संकलन गर्ने लक्ष्य राखेको छ।

यो चालु आर्थिक वर्षमा सेबोनले दिएको सातौं र नयाँ अध्यक्ष नियुक्तिपछि स्वीकृत छैटौं आईपीओ हो। पछिल्लो समय प्राथमिक शेयरप्रति लगानीकर्ताको आकर्षण बढ्दो क्रममा रहेकाले ट्रेड टावरको आईपीओ पनि उत्साहपूर्वक स्वागत हुने अपेक्षा गरिएको छ। चालु आवमै सेबोनबाट अनुमति पाएका अन्य कम्पनीहरूमध्ये प्योर इनर्जीले चैत्र २८ गतेदेखि आईपीओ निष्काशन सुरु गर्ने भएको छ भने सान्भी इनर्जीले पनि हालै स्वीकृति पाएपनि अझै निष्काशनको मिति तोकेको छैन।

कर्पाेरेट बजार

प्रकाशित समय : २२:०२ बजे