काठमाडौं – मंगलबार नेप्से परिसूचक बढेर बन्द भएको छ। आज नेप्से परिसूचक ७.१३ अंक बढेर २७६५.८८ विन्दुमा पुगेको छ।

नेप्से बढेपनि आज कारोबार रकम भने घटेको छ।

अघिल्लो कारोबार दिन ११ अर्बभन्दा बढीको शेयर खरिदबिक्री भएको बजारमा यस दिन ३१२ स्टकको ९७ हजार ५६२ पटकको कारोबारमा ९ अर्ब ९० करोड ९३ लाख ८६ हजार रुपैयाँबराबरको १ करोड ७८ लाख ६५ हजार कित्ता शेयर खरिदबिक्री भएको छ।

गार्डियन माइक्रो लाइफ इन्स्योरेन्सको शेयर यस दिन पनि सकारात्मक सर्किट लेभलमा कारोबार भएको छ। यस कम्पनीको शेयरमूल्य यस दिन ८५ रुपैयाँ ८० पैसा बढेर ९४४ रुपैयाँमा अन्तिम कारोबार भएको छ।

कारोबार रकमका आधारमा  हिमालयन रि- इन्स्योरेन्स शीर्ष स्थानमा रहेको छ। यस कम्पनीको १ अर्ब २ करोड ६२ लाख ७३ हजार रुपैयाँबराबरको शेयर खरिदबिक्री भएको छ।

कर्पाेरेट बजार

प्रकाशित समय : १७:२९ बजे