काठमाडौँ । सिनर्जी पावर डेभलपमेन्ट लिमिटेडले चालु आर्थिक वर्षको तेस्रो त्रैमासमा नाफा लगाएतका अन्य सूचकहरुमा पनि गिरावट आएको विवरण सार्वजनिक गरेको छ ।
प्रकाशित विवरण अनुसार कम्पनीले चालु आर्थिक वर्षको तेस्रो त्रैमाससम्म आइपुग्दा कम्पनीको खुद नाफा १३.५५ प्रतिशतले घटेको देखिएको छ । गत आर्थिक वर्षको
चैतसम्मा ७ करोड २४ लाख ७४ हजार रुपैयाँ खुद नाफा कमाएको कम्पनीले चालु आर्थिक वर्षको सोही अवधिमा ६ करोड २६ लाख ५३ हजार रुपैयाँ कमाएको हो ।
कम्पनीको विद्युत बिक्री आम्दानीमा पनि गिरावट आएको छ । विद्युत् बिक्रीबाट आम्दानी एक करोड ७५ लाख रुपैयाँले घटेर १५ करोड ४ लाख रुपैयाँमा सिमित भएको छ । गत वर्ष कम्पनीले विद्युत बिक्री आम्दानीबाट १६ करोड ३३ लाख रुपैयाँ आम्दानी गरेको थियो ।

हाल चुक्ता पुँजी ७३ करोड ३२ लाख ५० हजार रुपैयाँ रहेको कम्पनीको जगेडा कोषमा ६ करोड ३४ लाख ८१ हजार रुपैयाँ जम्मा गरेको छ । कम्पनीको प्रतिसेयर आम्दानी (वार्षिक) बढेर ११ रुपैयाँ ३९ पैसा कायम भएको छ । यसको प्रतिसेयर नेटवर्थ भने १०८ रुपैयाँ ६६ पैसा रहेको छ ।

२०७८ जेठ ७ गते प्रकाशित