काठमाडौं । नेकपा एकिकृत समाजवादीका उपमहासचिव तथा कार्यालय सचिव रामकुमार भट्टराईले सरकारले अध्यादेशमार्फत नेपालमा भएको भ्रष्टाचार कालो बजारी ऐनलाई तोडमरोड गरेको बताएका छन् ।बसेको सचिवालय बैठकपछि सञ्चारकर्मीहरुसँग कुरा गर्दै उनले सरकारले २० प्रतिशत भन्दा बढि नाफा लिन नपाउने ऐनलाई लागू नगर्ने भन्ने नीति ल्याएर जनतालाई दुख दिने काम गरेको बताए ।

उनले भने, ‘अहिले अध्यादेशको मार्फत देश लुट्ने काम जुन भएको छ । यसको विरुद्धमा कसरी जान सकिन्छ भन्ने कुरामा पनि पार्टीले सोच पु¥याइ रहेको छ । हेर्दा अध्यादेश जस्तो देखिन्छ तर यसले के गर्यो भन्दा यसले हाम्रो नेपालमा भएको भ्रष्टाचार कालो बजारी ऐनलाई तोडमरोड गर्यो, २० प्रतिशत भन्दा बढि नाफा लिन नपाउने ऐन थियो त्यो ऐन लागू नगर्ने भन्ने नीति ल्याउने वित्तिकै सिमेन्टको बजारमा ५ सय रुपैयाँ बोराको सिमेन्ट ८५० मा पुग्यो ।

यसरी महंगी बढाएर जनतालाई दुख दिने काम सरकारले गरेको छ ।’ यसको साथै, उनले मुठ्ठि भर व्यापारिको लागि सरकार लागि परेको हुनाले पनि त्यसको विरुद्धमा जानुपर्छ भनेर लागेको बताए ।

कर्पाेरेट बजार

प्रकाशित समय : ११:२७ बजे