काठमाडौं। आइएमई लाइफ इन्स्योरेन्सले आफ्ना सीओटी र एमडीआरटी लक्ष्य प्राप्त गर्ने अभिकर्ताहरुलाई सम्मान तथा बधाइ ज्ञापन गरेको छ ।

महारागंजस्थित होटल मुन एण्ड रेष्ट्रोमा शनीबार एक भव्य कार्यक्रम आयोजना गरेर कम्पनीले सन् २०२५ को ‘सीओटी’ छनौट भएकी अभिकर्ता गेल्मु लामा शेर्पा र ‘एमडीआरटी’ छनौट भएकी शान्ता शेर्पालाई सम्मान तथा बधाई ज्ञापन गरेको हो ।

सन् २०२५ को पहिलो एमडीआरटी बन्नुका साथै सोही वर्षको तथा कम्पनीको एकमात्र सीओटी छनौट भएकी अभिकर्ता हुन् गेल्मु लामा शेर्पा । उनी गत आर्थिक वर्षमा पनि आफ्नो व्यक्तिगत कोडबाट सबैभन्दा बढी कारोबार गर्ने अभिकर्ता पनि हुन् ।

एजेन्सी सम्मान कार्यक्रममा कम्पनीका प्रमुख कार्यकारी अधिकृत पवन कुमार खड्का, चिफ मार्केटिङ अफिसर इन्द्रराज सुवेदी, बागमती प्रदेश प्रमुख चन्द्र प्रसाद भट्टराई, महाराजगंज शाखा प्रमुख प्रियंका देवकोटा लगायतको सहभागिता रहेको थियो ।