काठमाडौं । नबिल बैंकमा सेलिब्रेटी बैंकर मनोज ज्ञावालीको बढुवा भएको छ ।

उनले बैंकमा पुराना भेट्रान बैंकरलाईनै उछिन्दै सिनियर डिसिईओ बन्न सफल भएका छन् । नविल बैंक प्रवेश गरेको पाँच वर्ष नपुग्दै ज्ञवालीले वेटिङ सिईओको स्थानमा पुगेका छन् । नबिल बैंकको संचालक समितिले ज्ञावालीलाई बढुवा गर्ने निर्णय गरेको हो ।

ज्ञावाली अब बैंकका बरिष्ठ नायव प्रमुख कार्यकारी अधिकृत भएका छन् । यसअघि उनी नायाब प्रमुख कार्यकारी अधिकृत थिए । बैंकमा ज्ञावाली र सुजित शाक्य २ जना बरिष्ठ नायव प्रमुख कार्यकारी अधिकृत हुने भएका छन् ।

अहिले नेपाली बैंकिङ क्षेत्रमा चर्चित नाम हो मनोज ज्ञवाली । ज्योति विकास बैंकको सिईओबाट अप्रत्याशित छाडेर घर बसेका ज्ञवालीलाई कर्मले डो¥याउँदै नविलजस्तो नम्बर १ बैंकमा प्रवेश गरायो ।

पुस ११ गते बिहीबार बसेको बैंक सञ्चालक समितिको बैठकले ज्ञवालीको बढुवा गरेको हो । ज्ञवालीले आज अर्थात् पुस १४ गते बढुवाको पत्र बुझेका छन् ।

उनी हाल डेपुटी सीइओको जिम्मेवारी थिए । उनी २०७७ जेठमा ज्योति विकास बैंकको सीइओबाट राजीनामा दिएका थिए । त्यसपछि नायव महाप्रबन्धकको रूपमा नबिल बैंकमा गएका थिए ।