काठमाडौं । चालु आवको पहिलो पाँच महिनामा जीवन बीमा कम्पनीहरूले वैदेशिक रोजगारीमा जानेहरूबाट १ अर्ब ३८ करोड १ लाख रुपैपाँ कुल बीमा शुल्क आर्जन गरेका छन् ।

चालु आवको साउनदेखि मंसिर मसान्तसम्ममा जीवान बीमा व्यवसाय गर्ने बीमकहरूले २३ लाख ११ हजार ३९० बिमा पोलिसी जारी गरेर सो व्यवपार गरेको हो । बीमकहरूले मंसिर महिनामा मात्रै ७६ हजार १०२ बिमा पोलिसी जारी गरेर ३२ करोड ३३ लाख रुपैयाँ प्रिमियम संकलन गरेको नेपाल बीमा प्रधिकरणले सावर्जनिक गरेको तथ्यांकमा छ ।

सावर्जनिक भएको तथ्यांक अनुसार साउनदेखि मंसिर महिनासम्मा वैदेशिक रोजगारीमा जानेहरूबाट सबै भन्दा बढि सन नेपाल लाएफ इन्स्योरेन्स कम्पनीले कमाएको छ । कम्पनीले ७ लाख ९७ हजार ८१७ बीमा पोलिसी जारी गरेर ५८ करोड ७१ लाख रुपैयाँ कुल बीमा शुल्क आर्जन गरेको हो ।

त्यसैगरी बढि बीमा व्यवसाय गर्ने दोस्रो नम्बरमा एशियन लाइफ इन्स्योरेन्स रहेको छ । कम्पनीले १ लाख ४४ हजार ५२३ बीमा पोलिसी जारी गरेर २८ करोड २७ लाख रुपैयाँ प्रिमियम संकलन गरेको छ ।

तेस्रो नम्बरमा नेपाल लाइफ रहेको छ । कम्पनीले मंसिर महिनासम्मा ५ लाख ४५ हजार ८९३ बीमा पोलिसी जारी गरेर १२ करोड ६ लाख रुपैयाँ कुल बीमा शुल्क आर्जन गरेको हो ।

साउनदेखि मंसिर महिनासम्म नेश्नल लाइफ इन्स्योरेन्सले १० करोड १६ लाख, आइएमई लाइफले ६ करोड ७० लाख, सानिमा रिलायन्सले ६ करोड ५६ लाख, सुर्यज्योति लाइफले ५ करोड ९९ लाख, रिलायबल नेपाल लाइफले ५ करोड ३१ लाख, सिटिजन लाइफले ३ करोड ८५ लाख रुपैयाँ कुल बीमा शुल्क आर्जन गरेका छन् ।

त्यसैगरी , सोहि अवधिमा प्रभु महालक्ष्मी लाइफले १५ करोड, हिमालयन लाइफले १२ करोड, लिवर्टी माइक्रो लाइफले ५ कारोड, क्रेष्ट माईको लाइफले २ करोड र गार्डियन माईक्रो लाइफले २ करोड रुपैयाँ प्रिमियम संकलन गरेको सावर्जनिक तथ्यांकमा छ ।