काठमाडौं । साताको तेस्रो कारोबार दिन शेयर बजार दोहोरो अंकले बढेको छ ।

नेपाल स्टक एक्सचेन्ज (नेप्से) परिसूचक १४.११ अंकले बढेर २६२६.३१ मा रोकिएको छ ।

आज परिसूचकसँगै कारोबार रकम पनि बढेको छ । आज ३१२ कम्पनीको १ करोड २७ लाख ४६ हजार ४१० कित्ता सेयर किनबेच हुँदा ५ अर्ब २० करोड २२ लाख ६३ हजार रुपैयाँको कारोबार भएको छ ।

मंगलबार जानकी फाइनान्स कम्पनीको शेयरमा सर्वाधिक कारोबार भएको छ । कम्पनीको २० करोड ७ लाख ४२ हजार ६ सय ५३ रुपैयाँ कारोबार भएको छ । कम्पनीको प्रतिकित्ता न्युनतम मूल्य ९ सय ८ रुपैयाँ रहेको छ ।

त्यसैगरी १६७ कम्पनीको शेयर मूल्य बढ्दा ७१ कम्पनीको शेयर मूल्य घटेको छ भने ६ कम्पनीको शेयर मूल्य स्थिर रहेको छ ।

साथै, आज ३ कम्पनीको शेयर मूल्यमा सकारात्मक सर्किट लागेको छ भने सपोर्ट माक्रोफाइनान्स वित्तीय संस्थाको शेयर मूल्य नकारात्मक सर्किट लागेको छ ।