काठमाडौं । जीवन बीमा कम्पनीहरुले चालु आवको चार महिनामा वैदेशिक रोजगार बीमा मार्फत १ अर्ब ५ करोड ६७ लाख रुपैयाँ बीमा शुल्क आर्जन गरेका छन् । बीमा कम्पनीहरूले हाल वैदेशिक रोजगारमा गएका नेपालीहरूको २१ लाख ६८ लाख ५५ वटा बीमालेख पोृलिसी जारी गरेर यस्तो व्यापार गरेको हो ।

यो गत आवको कार्तिक मसान्तसम्मको तुलनामा १८.६२ प्रतिशत बढी हो । गत आवको सो अवधिमा पनि कम्पनीहरूले ८९ करोड ८ लाख रुपैयाँ प्रिमियम संकलन गरेका थिए ।

हाल नेशनल, नेपाल, एशियन, आइएमई, सन नेपाल, रिलायवल, सिटिजन, सूर्यज्योति, सानिमा रिलायन्स, हिमालयन, प्रभू महालक्ष्मी लाइफले वैदेशिक रोजगार बीमा गर्दै आएका छन्। त्यस्तै, लघुबीमा तर्फ गार्डियन माइक्रो, क्रेष्ट र लिवर्टी माइक्रो लाइफले पनि वैदेशिक रोजगार बीमा गर्दै आएका छन् ।

कार्तिक महिनामा मात्रै कम्पनीहरूले ७९ हजार ३७९ वटा बीमालेख बिक्री गरि ३३ करोड ८९ लाख रुपैयाँ बीमा शुल्क आर्जन गरेको प्राधिकरणले सावर्जनिक गरेको तथ्यांकमा छ ।

वैदेशिक रोजगार बीमा व्यवसायमा सन नेपाल लाइफको हिस्सा सर्वाधिक छ । चार महिनामा कम्पनीले ७ लाख ६८ हजार ८९० वटा बीमालेख पोलिसी जारी गरेर ४६ करोड ५२ लाख रुपैयाँ बीमा शुल्क आर्जन गरेको छ । यो कुल वैदेशिक रोजगार बीमा व्यापारको ४४ प्रतिशत हुन आउँछ । सो अवधिमा कम्पनीमा सक्रिय देखिएको छ ।

समिक्षा अवधिमा एशियन लाइफले २० करोड २० लाख रुपैयाँ बराबरको वैदेशिक रोजगार बीमा व्यापार गरेको छ ।

त्यसैगरी चालु आवको साउनदेखि कार्तिक महिनासम्मा नेपाल लाइफले८ करोड ९६ लाख, नेशनल लाइफले ८ करोड ३२ लाख, सानिमा रिलायन्सले ५ करोड ३४ लाख, सूर्यज्योति ५ करोड १७ लाख, रिलायवल नेपालले ४ करोड ३० लाख, आइएमईले ३ करोड ६३ लाख, सिटिजनको २ करोड ९४ लाख, प्रभू महालक्ष्मीले १२ लाख, गार्डियन माइक्रोले १ लाख, क्रेष्टले १ लाख र लिवर्टी माइक्रोले ४ लाख रुपैयाँ बराबरको वैदेशिक बीमा व्यापार गरेका छन् ।