अमृत सापकोटा, रौतहट । रौतहटमा कोरोनाका कारण सर्बसाधारणको ज्यान जाने क्रम बढदै गएको भए पनि निर्वाचित जनप्रतिनिधिको भने कतै पनि उपस्थिती नभएको भन्दै समाजिक संजालमा ब्यापक आलोचना भएको छ ।

संघिय सांसद तथा प्रदेश सांसदले कोरोना महामारीमा कुनै काम नगरेको भन्दै सामाजिक संजालमा उनीहरुको ब्यापक आलोचना भएको हो ।

जिल्लामा सर्बसाधारण कोरोनाका कारण भएको भए पनि नेताहरुले जिल्लामा कोरोना रोकथामका लागि कुनै पहल नगरेको भन्दै सामाजिक संजाल फेसबुक भरी उनीहरूको आलोचना भएको छ ।

रौतहटमा एक महिना भन्दा कम समयमा कोरोनाका कारण तीन दर्जन भन्दा बढीको ज्यान गएको भए पनि जिल्लाबाट निर्वाचित संघिय सांसद तथा प्रदेश सांसदको भुमिका सुन्य देखिएको भन्दै आलोचना भएको छ । फेरी चुनाव कुन मुख लिएर भोट माग्न आंउछौ,होला ? भन्दै सामाजिक संजालमा सर्बसाधारणले आलोचना गरेका छन् ।

जिल्ला अस्पताल गौरमा रहेको बेथितीका बारेमा सांसद अनिल झा ,प्रभु साह देवप्रसाद तिमलसिना ,कल्याणी खड्का ,रेखा झा ,डिम्पल झा योगेन्द्र यादवले नबोल्नु दुर्भाग्यको कुरा भन्दै सामाजिक संजाल फेसबुकमा अत्याधिक टिपणी रहेको छ ।

धेरै सामाजिक संजाल प्रयोगकर्ताले १८ वटा स्थानीय तहका छोटे राजाका कारण सर्बसाधारणले ज्यान गुमाउनु परेको र स्थानीय तहका प्रमुखले कोरोना बिरुद्ध कुनै काम नगरेको भन्दै आलोचना भएको छ ।

२०७८ जेठ ३ गते प्रकाशित ।