काठमाडौं । देशमा संचालीत वाणिज्य बैंकहरूले चालु आर्थिक वर्षको पहिलो दुई महिनामा २० अर्ब २१ करोड रुपैयाँ नाफा कमाएका छन् ।

गत आर्थिक वर्षको सोही अवधिमा बैंकहरूको नाफा १६ अर्ब ६४ करोड रुपैयाँ थियो । त्यसैगरी दुई महिनामा विकास बैंकको नाफा १ अर्ब ६४ करोड रुपैयाँ नाफा कमाएका छन, भने फाइनान्स कम्पनीको नाफा ८७ करोड रुपैयाँ कमाएको नेपाल राष्ट्र बैंकले सावर्जनिक गरेको तथ्यांकमा छ ।

सावर्जनिक तथ्यांक अनुसाार चालु आर्थिक वर्षको पहिलो दुई महिना साउन र भदौमा वाणिज्य बैंकहरूको यस्तो नाफा ९ अर्ब १७ करोड रुपैयाँ नाफा कमाएको छ  ।

चालु आर्थिक वर्षको पहिलो दुई महिनामा नबिल बैंकले सबैभन्दा बढी नाफा कमाएको छ । नाफा बढी कमाउने दोस्रो बैंक ग्लोबल आईएमई बैंक बनेको छ । बैंकले  १ अर्ब ५६ करोड रुपैयाँ नाफा कमाएको छ ।

नेपाल इन्भेष्टमेन्ट मेगा बैंकले चालु आर्थिक वर्षको पहिलो दुई महिनामा १ अर्ब ४१ करोड रुपैयाँ नाफा कमाएको छ भने हिमालय बैंकले १ अर्ब १६ करोड रुपैयाँ नाफा गरेर बढी नाफा कमाउने चौथो बैंक बनेको छ ।

एभरेष्ट बैंक लिमिटेडले ८२ करोड ५५ लाख नाफा आर्जन गर्दा प्रभु बैंकले ९१ करोड ३२ लाख नाफा आर्जन गरेको छ ।

दुई महिनामा प्राइम कमर्शियल बैंक लिमिटेडले ९७ करोड ४६ लाख नाफा आर्जन गरेको छ भने एनएमबी बैंकले ७८ करोड २ लाख, लक्ष्मी सनराइज बैंकले ८६ करोड ४६ लाख, सानिमा बैंक लिमिटेडले ६८ करोड ९२ लाख नाफा कमाएको छ ।

माछापुछ्रे बैंकले ३९ करोड २४ लाख नाफा कमाउँदा एनआईसी एशिया बैंकले ५७ करोड ७५ लाख नाफा कमाएको छ । सरकारी लगानीको राष्ट्रिय वाणिज्य बैंक लिमिटेडले ८८ करोड ३ लाख नाफा कमाएको छ भने नेपाल बैंक लिमिटेडले ६७ करोड ८२ लाख रुपैयाँ नाफा कमाएको छ ।

यसैगरी, विदेशी लगानीको स्ट्यार्डड चार्टर बैंकले ६० करोड ६२ लाख नाफा आर्जन गरेको छ भने नेपाल एसबीआई बैंकले ५३ करोड ३९ लाख, सिद्धार्थ बैंकले ६० करोड ५६ लाख, सिटिजन्स बैंकले ५८ करोड ९८ लाख, कृषि विकास बैंकले ८८ करोड ७० लाख नाफा कमाएको छ ।