कावासाकी ब्रान्ड नेपाली बजारमा फेरि भित्रिने
वि.सं.२०८१ कात्तिक २ शुक्रवार
काठमाडौं । कावासाकी ब्रान्ड फेरि नेपाल भित्रिने भएको छ । कावासाकीको मोटरबाइक डब्ल्यु १७५ स्ट्रिट, भर्सिस–एक्स ३०० बाइक र निन्जा ३०० लगायतका बाइक नेपाली बजारमा ल्याइने भएको छ ।
सन् २,०००सम्म नेपाली बजारमा कावासाकी बाइक पनि बिक्रीका लागि उपलब्ध भएपनि भारतमा बाइकको उत्पादन बन्द भएसँगै यता पनि यी बाइक पाउन छोडेका थिए ।
रेट्रो–स्टाइलको डब्ल्यु१७५ स्ट्रीट बाइकमा क्लासिक डिजाइन सहित मोडर्न इन्जिनियरिङ रहेको छ । १७७ सीसी, सिंगल सिलिन्डर, एयर कुल्ड इन्जिन रहेको यो बाइकमा अलोय ह्विल र ट्युबलेस टायर पनि छन् ।
एड्भेन्चर टुरिङ बाइक कावासाकीको भर्सिस–एक्स ३०० बाइक पनि नेपाल ल्याइने भएको छ ।यससँगै, सुपर बाइक कावासाकी निन्जा ३००मा थ्रिलिङ एक्स्पेरियन्सका लागि एबीएस, स्लिपर क्लच र लाइटवेट च्यासिस लगायतका विशेषता रहेका छन् ।
प्रकाशित समय : १५:३२ बजे
