काठमाडौँ । महालक्ष्मी लाइफ इन्स्योरेन्सले चालु आवको तेस्रो त्रैमासमा ६ करोड ६८ लाख नाफा कमाएको छ । गत आवको तुलनामा १ दशमलव ४९ प्रतिशतले बढी हो । गत आवको यसै अवधिमा कम्पनीले ६ करोड ५८ ला खरुपैयाँ खुद नाफा कमाएको थियो ।

कम्पनीले यो अवधिमा खुद बीमा शुल्क संकलन पनि बढाएको छ । गत आवको समिक्षा अवधिको तुलनामा कम्पनीले खुद बीमाशुल्क संकलन ९९.५१ प्रतिशतले बढाएको हो । गत आवको यसै अवधिमा कम्पनीले ३९ करोड ३१ लाख रुपैयाँ खुद बीमाशुल्क संकलन गरेकोमा चालु आर्थिक वर्षको सोही अवधिसम्ममा कम्पनीले ७८ करोड ४२ लाख रुपैयाँ खुद बीमाशुल्क संकलन गरेको छ ।

समीक्षा अवधिमा कम्पनीको बीमा कोषको आकार १७१.५८ प्रतिशतले बढेर १ अर्ब ३३ करोड ६० लाख रुपैयाँको छ । गत आवको यसै अवधिमा कम्पनीको बीमा कोषमा ४९ करोड १९ लाख रुपैयाँ रहेको थियो ।
चुक्ता पूँजी १ अर्ब ४० करोड रुपैयाँ रहेको जगेडा कोषमा १६ करोड ८ लाख रुपैयाँ सञ्चित छ ।

कम्पनीले चैतमसान्तसम्म लगानी, कर्जा तथा अन्य आयबाट ७ करोड १८ लाख ४० हजार र बीमालेखको धितोमा कर्जाबाट १ करोड २० लाख रुपैयाँ आम्दानी गरेको छ । यस अवधिमा अभिकर्ता कमिशन वापत १५ करोड ३९ लाख रुपैयाँ खर्चेको छ ।

कम्पनीले चालु आवको तेस्रो त्रैमासको अवधिमा ७९ करोड ४९ लाख २३ हजार कुल बीमशुल्क संकलन गरेको छ । गत आवको तेस्रो त्रैमाससम्ममा ६४ करोड ९६ लाख २३ हजार रुपैयाँ कुल बीमाशुल्क आर्जन गरेको थियो ।

कम्पनीले ७ वटा बीमा दावी वापत २ करोड ९२ लाख रुपैयाँ कुल दावी भुक्तानी गरेको छ भने ८ लाख ७० हजार रुपैयाँ भुक्तानी गर्न बाँकी छ ।

२०७८ वैशाख ३० गते प्रकाशित