आजदेखि आइएमई र जिएमईले थाले एकीकृत कारोबार
वि.सं.२०८१ साउन ३० बुधवार
काठमाडौं । आइएमई लिमिटेड र जिएमईले आजदेखि एकीकृत कारोबार सुरु गरेका छन् ।नेपालकै पहिलो र नेतृत्वदायी रेमिट्यान्स कम्पनी आइएमईले जिएमईलाई प्राप्ति गरेपश्चात बुधवारदेखि एकीकृत कारोबार थालनी गरेका हुन् ।
यो रेमिट्यान्स क्षेत्रको पहिलो सफल मर्जर हो । आजदेखि औपचारिक रुपमा आइएमई लिमिटेडको नामबाट एकीकृत कारोबार शुभारम्भ गरेका हुन् ।
हाल आइएमईको चुक्ता पुँजी ९० करोड र जिएमईको २५ करोड रहेको छ । मर्जपछि कम्पनीको चुक्ता पुँजी १ अर्ब १५ करोड कायम हुनेछ । यी दुवै कम्पनी नेपालको रेमिट्यान्स क्षेत्रको सबैभन्दा ठुला कम्पनी हुन् ।
प्रकाशित समय : १२:३८ बजे
