काठमाडौं। शिखर इन्स्योरेन्स कम्पनी लिमिटेडले गत आर्थिक वर्षको चौथो त्रैमासको असमाजित वित्तीय विवरण सार्वजनिक गरेको छ । प्रकाशित विवरण अनुसार गत आर्थिक वर्षको अन्त्यसम्म बीमाले ५१ करोड ३ लाख रुपैयाँ खुद नाफा कमाएको छ ।

यो अघिल्लो आर्थिक वर्षको सोही अवधिको तुलनामा १२६.८७ प्रतिशतले बढी हो । अघिल्लो आर्थिक वर्षमा बीमाले २२ करोड ६१ लाख रुपैयाँ मात्रै खुद नाफा कमाएको थियो ।नाफासँगै बीमाको प्रतिसेयर आम्दानी पनि १० रुपैयाँ ८१ पैसाले बढेर १९ रुपैयाँ ३२ पैसा पुगेको छ । समीक्षा अवधिमा बीमाको प्रतिशेयर नेटवर्थ २०४ रुपैयाँ ५९ पैसा र मूल्य आम्दानी अनुपात ३७.४२ गुणा रहेको छ । हाल बीमाको चुक्ता पुँजी २ अर्ब ६५ करोड रुपैयाँ छ ।

समीक्षा अवधिमा बीमाको खुद आर्जित प्रिमियम १३.३२ प्रतिशतले बढेको छ भने कुल आम्दानी ४.०६ प्रतिशतले बढेको छ । यस अवधिमा बीमाको खुद दाबी भुक्तानी ९.८२ प्रतिशतले घटेको छ भने कुल खर्च ४.७४ प्रतिशतले घटेको छ ।

कर्पाेरेट बजार

प्रकाशित समय : १०:२३ बजे