काठमाडौं । कालिन्चोक दर्शन लिमिटेडको शेयर रजिष्ट्रारमा नबिल इन्भेष्टमेन्ट बैंकिङ नियुक्त भएको छ । कम्पनीले पुस १ गतेदेखि नै लागू हुनेगरी शेयर रजिष्ट्रार नियुक्त गरेको हो ।

त्यस अनुसार अब कम्पनीको शेयर सम्बन्धी कारोबारको अभिलेख राख्ने, दाखिला खारेज, नामसारी, शेयर अद्यावधिक राख्ने लगायतका सम्पूर्ण कार्यहरु नबिल इन्भेष्टमेन्ट बैंकिङले गर्नेछ ।

यससँगै अब कालिन्चोक दर्शन लिमिटेडको धितोपत्र कारोबार सम्बन्धी अभिलेख राख्ने, शेयर दाखिल खारेज गर्ने, नामसारी गर्ने र शेयरधनिहरुको लगत अद्यावधिक गरी राख्ने सम्बन्धी सम्पूर्ण कार्यहरु नबिल इन्भेष्टमेन्ट बैंकिङले गर्ने छ ।

कालिन्चोक दर्शन लिमिटेडले हालै मात्र आइपिओ निष्काशन गरेको थियो ।कम्पनीको शेयर नेपाल स्टक एक्सचेन्ज नेप्सेमा सूचीकरण हुने क्रममा रहेको छ ।

शेयर सुचिकृत भएपछि लगानीकर्ताले यी शेयर खरिद बिक्री गर्न सक्ने छन् । कम्पनीले दोलखाको कालिन्चोकमा केवलकार संचालन गरिरहेको छ ।