भेस्पाको हाल सम्मकै सबैभन्दा पावरफुल स्कुटर सार्वजनिक
वि.सं.२०७९ मंसिर १४ बुधवार
काठमाडौं । टु ह्विल निर्माता कम्पनी पियाजियोले हालै नयाँ स्कुटर भेस्पा जीटीभी स्कुटर सार्वजनिक गरेको छ ।
सो स्कुटर इटालीमा भएको ईआईसीएमए २०२२ अटो शोमा सार्वजनिक गरिएको थियो ।
सो स्कुटर हाई पर्फमेन्स स्कुटरको रुपमा ल्याइएको छ र यसका लागि यसमा ३०० सीसी एचपीई पावरट्रेन थपिएको छ ।
भेस्पा जीटीभीलाई स्पोर्टी लुक दिइएको छ । स्कुटरमा कन्ट्रास्टिङ अल–ब्ल्याक ह्यान्डलबार, ५ स्पोक अलोय ह्विल, फुट पेग र रियर ग्य्राब रेल जस्ता डिजाइन रहेको छ । जीटीभी स्कुटरमा एलईडी हेडल्याम्प समावेश छ ।
पियाजियो भेस्पा जीटीभीमा ३०० सीसी सिंगल सिलिन्डर, ४–भल्व टाइमिङ, लिक्विड कुलिङ एचपीई पावरट्रेन छ । २०२२ भेस्पा जीटीभीको पावर आउटपुट २३.४ बीएचपी छ ।
स्कुटरमा कि स्लटको सट्टामा इग्निशन स्टार्ट बटन छ ।
यो नयाँ एलसीडी डिजिटल इन्स्ट्रयुमेन्ट क्लस्टरको साथमा उपलब्ध छ । जीटीभी स्टोरेज कम्पार्टमेन्ट भित्र कनेक्टिभिटी सिस्टम एक्सेसरी पनि उपलब्ध छ ।
सो स्कुटरमा एएसआर इलेक्ट्रोनिक ट्रयाक्सन कन्ट्रोल र एन्टी–लक ब्रेकिङ सिस्टम समावेश छ ।
अहिले सार्वजनिक मात्र गरिएकाले यसको मूल्य र अन्य जानकारी भने पछि नै थाहा हुनेछ ।
प्रकाशित समय : ११:५० बजे
