काठमाडौं । मंसिर ४ गते सम्पन्न भएको प्रतिनिधिसभाको निर्वाचनको समानुपातिक मतगणनामा नेकपा (एमाले) नै अगाडि रहेको छ ।

निर्वाचन आयोगको अहिले साँझसम्मको तथ्यांक अनुसार ९९ लाख ३४ हजार ७३६ मत गनेर सकिँदा एमालेले २६ लाख, ७७ हजार ३४ मत पाएर सबैभन्दा ठूलो दल बनेको हो ।

त्यसैगरी नेपाली कांग्रेसले २५ लाख २८ हजार १७४ मत पाएर दोश्रो ठूलो दल बनेको छ भने तेश्रोमा नेकपा (माओवादी) केन्द्र)ले ११ लाख ४१ हजार ६७६ मत पाएको छ । त्यस्तै समानुपातिकमा चौथो बनेको राष्ट्रिय स्वतन्त्र पार्टीले १० लाख ९४ हजार ३९१ मत पाएको छ भने पाँचौंमा रहेको राष्ट्रिय प्रजातन्त्र पार्टीले ५ लाख ६६ हजार २०६ मत पाएको छ ।

जनता समाजवादी पार्टी (जसपा)ले ३ लाख ८४ हजार ८९० मत पाउँदा जनमत पार्टीले ३ लाख ४३ हजार ६४९ मत पाएको छ । आठौं नम्बरमा रहेको नेकपा (एकिकृत समाजवादी)ले २ लाख ८० हजार २०० मत ल्याएको छ । यो दलले अझैसम्म थ्रेसहोल्ड कटाएको छैन ।

निर्वाचन कानुनमा सदर भएको समानुपातिकको कुल मत मध्य न्युनतम ३ प्रतिशत मत ल्याउने पार्टीले मात्र राष्ट्रिय दलको मान्यता पाउने व्यवस्था गरिएको छ ।

कर्पाेरेट बजार

प्रकाशित समय : २१:०० बजे