साताको अन्तिम कारोबार दिन नेप्सेमा दोहोरो अंकको गिरावट, ६ अर्बमाथिको कारोबार
वि.सं.२०७८ वैशाख २३ बिहीवार
काठमाडौं । आज नेप्से परिसूचक १२.४ अंकले घटेर २६३७।१३ विन्दुमा रोकिएको छ । आज १ करोड ५९ लाख ८० हजार ८१५ कित्ताको किनबेचमा ६ अर्व ८१ करोड ९१ हजार ४५३ रूपैयाँ बराबरको कारोबार भएको छ । आज हाइड्रो इलेक्ट्रिसिटी इन्भेष्टमेन्ट एण्ड डेभलपमेन्टको सबैभन्दा धेरै ४६ करोड रूपैयाँ बराबरको कारोबार भयो । यस्तै एनसीसी बैंकको ४२ लाख बराबरको कारोबार भएको छ ।
खानी खोला हाइड्रोपावर, जनउत्थान सामूहिक लघुवित्त, महिला लघुवित्त, समता लघुवित्तलगायत चार कम्पनीको सेयर मूल्य करिब १० प्रतिशतले बढेको छ । यसैगरी आज बैंकिङ, लगानी र फाइनान्सबाहेक सबै उप समूह घटेका छन् ।
प्रकाशित समय : १०:४० बजे
