२३ वैशाख काठमाडौँ । मध्यभोटेकोसी जलविद्युत कम्पनीको आईपिओ आजबाट स्थगित भएको छ । जिल्लाको आयोजना प्रभावित क्षेत्र र जिल्लाबासी सबैका लागि खुलेको उक्त आईपिओ सिन्धुपाल्चोक जिल्लामा आजदेखि निषेधाज्ञा जारी भएकाले आइपिओ तत्काललाई स्थगित भएको हो । आईपिओ बिक्री प्रवन्धक ग्लोबल आइएमई क्यापिटलका अनुसार आजसम्म आइपिओ भर्नेहरुले पछि फेरि भर्नु पर्दैन अरुको लागि अवस्था केही मत्थर भएपछि फेरि निष्कासन हुनेछ ।

स्थानीयका लागि आइपिओ बिक्री प्रक्रिया ढिला हुने भएपछि सर्वसाधारणका लागि खुल्न पनि ढिला हुने भएको छ। धितोपत्र बोर्डबाट स्वीकृति पाएको २ महिनाभित्र प्रभावित र सर्वसाधारण सबैका लागि आइपिओ निष्कासन गर्नुपर्ने कानुनी व्यवस्था छ। यदि निषेधाज्ञा लम्बिँदै गएमा यसमा बोर्डले सहजीकरण गर्नुपर्नेमा ती अधिकारीले जोड दिए।

आयोजना प्रभावित क्षेत्रका स्थानीयबासीका लागि १८ लाख कित्ता र प्रभावित क्षेत्रबाहेक सिन्धुपाल्चोक जिल्लाका अन्य क्षेत्रमा बसोबास गर्ने बासिन्दाको लागि ४२ लाख कित्ता आइपिओखुलाइएको थियो।

कर्पाेरेट बजार

प्रकाशित समय : ०९:३७ बजे