काठमाडौं । नेकपा एमाले अध्यक्ष केपी शर्मा ओलीले पाँच दलीय गठबन्धन देशको लागि ठूलो पीडा भएको बताएका छन्।

आज काठमाडौंमा आयोजित पार्टी प्रवेश कार्यक्रममा बोल्दै उनले पाँच दलीय गठबन्धन केही समयको लागि आएको लुतो भएको बताए।

‘पाँच दलीय गठबन्धन भनेको देशको ठूलो पीडा हो। अलिक समयका लागि आएको लुतो हो के लु्तो। ठूलै घाउ पनि होइन। तर बस्नै दिनन्,’ उनले भने।

उनले केही समयका निम्ति ठूलै पीडा भएर आएको भए पनि यसलाई पन्छाउन नेपालमा दिन पनि हुने गरेको बताए। उनले वैशाख ३० गते उक्त लुतोलाई फाल्नुपर्ने उनले बताए।

‘यस पीडालाई निर्वाचनको माध्यमबाट पन्छाउनुपर्छ। यसपल्ट दुई दिन पन्छाउने समय छ। एउटा वैशाख ३० गते अर्को मंसिरति हुन्छ,’ उनले भने।

उनले थपे अहिले पाँच दलीय सरकार निकम्मा भएको बताए। ‘यस्तो गएगुज्रेको सरकार धर्तीमा छ भनेर कल्पनै गर्न सकिँदैन। ९-१० महिनामा ढुकुटी रित्याउने कस्तो होला?,’ उनको प्रश्न थियो।