यूनियन लाइफ इन्स्योरेन्सले ब्यत्तित बीमालेखमा ब्याज छुट दिने
वि.सं.२०७९ वैशाख १३ मंगलवार
काठमाडौं । यूनियन लाइफ इन्स्योरेन्स कम्पनी लिमिटेडले ब्यत्तित बीमा लेखमा ब्याज छुट दिने भएको छ ।
कम्पनीबाट जारी भएका बीमालेखहरुको नियमित रुपमा नविकरण बीमा शुल्क भुक्तानी नगरी पुरा दुई वर्ष देखी ब्यत्तित भएका बीमालेखहरुको पूनर्जागरण गराउँदा लाग्ने बिलम्ब शुल्कमा छुट दिने भएको हो । उक्त छुट बैशाख १३ गतेदेखि जेठ १५ गते प्राप्त गर्ने सकिनेछ ।
पूनर्जागरण भएका बीमालेखहरु अन्तर्गत जोखिम वहन हुने र कम्पनीबाट प्रदान गरिने बोनस समेत प्राप्त हुने कम्पनीले जनाएको छ । साथै बीमालेख पूनर्जागरण गराउँदा बीमा अवधि भरी एक पटक मात्र ब्याज छुटको सुविधा लिन सकिने छ ।
प्रकाशित समय : १७:२५ बजे
